Македонскиот таеквондист Дејан Георгиевски в недела (18 мај) во Софија, Бугарија, ќе се бори на еден од најсилните турнири во светот на олимписко таеквондо, Президент Куп Г3.

Медал од овој значаен турнир ќе значи многу за Георгиевски и македонскиот спорт, за обезбедување на трета олимписка норма од како Македонија е независна држава.

Г3 Президент ја собира целата олимписка елита, овој турнир носи значително многу бодови за обезбедување олимписка норма.

Георгиевски е единствениот македонски спортист кој е во самиот светски врв во еден олимписки спорт.

Нашиот натпреварувач во првото коло ќе се сретне против Бјелоус Ерик од Шпанија.