Деца до 10 години не се преносители на вирусот
Швајцарските власти одлучиле да ја укинат забраната за социјален контакт помеѓу старите лица и нивните внуци на возраст до 10 години, бидејќи научниците заклучиле дека малечките на оваа возраст немаат развиени рецептори за корона вирус, па со тоа тие и не може да бидат преносители, објави „Би Би Си“.
Од сега бабите и дедовците во Швајцарија ќе може да си ги изгушкаат своите внуци, но, според изјавата на швајцарскиот министер за здравство, Даниел Кох, иако научниците докажале дека децата до 10 години не го пренесуваат вирусот, социјалната интеракција со постарите лица треба да остане што е можно пократка.
Препорачано
-
1
-
2
-
3
Кох додава и дека голем број од постарите лица живеат за моментот да поминат време со своите внуци и дека тоа многу е важно за нивното ментално здравје, но децата никогаш не беа примарно опасни за бабите и дедовците, туку тоа беа нивните родители.
Швајцарија ги ревидираше мерките за социјално дистанцирање по направените научни консултации на универзитетите во Цирих, Берн и Женева.
Истовремено, во Велика Британија, министерот за здравство Мет Хенкок најави дека рестриктивните мерки за социјално дистанцирање и понатаму остануваат на сила.
