Претседателот на италијанскиот фудбалски клуб Наполи, Аурелио де Лаурентис, потврди дека постои ослободителна клаузула во договорот на Виктор Осимен.

Договорот, наводно, вклучува ослободителна клаузула од 120 до 130 милиони евра за услугите на Нигериецот.

Де Лаурентис, исто така, навести дека моментно еден од најдобрите напаѓачи во Италија летово би можел да направи трансфер од актуелниот шампион во Серија А.

– Некои играчи остануваат многу години, други ги бараат ПСЖ, Арсенал, Манчестер сити, Челси. Тешко е да се задржат играчите кога ги бараат богатите клубови, Можам да потврдам дека има клаузула за ослободување, многу висока – Де Лаурентис го цитира трансфер експертот, Фабрицио Романо.

Осимен неодамна изјави дека знае каде ќе го игра својот фудбал следната сезона. Овој 25-годишен фудбалер изминатиот период во медиумите се поврзуваше со ПСЖ, Челси и Арсенал. Постигна хет-трик во победата од 6:1 против Сасуоло во средата навечер.