Непосредно пред почетокот на домашниот натпревар во малата сала на СЦ „Јане Сандански“ против Охрид, РК Вардар 1961 и тренерот Веселин Вујовиќ спогодбено го раскинаа договорот.

Денешниот меч од клупата играчите на Вардар 1961 ги водеа Стојан Петрушевски и Владо Недановски.

Лошите резултати оваа сезона во Лигата на шампионите беа причина Вујовиќ да ја напушти клупата на скопските „црвено-црни“.

Не е познато кој ќе биде следниот тренер на двократниот европски шампион, но според руските медиуми се шпекулира името на Шпанецот Давид Дејвис кој веќе добро го познава клубот.

Токму Дејвис во 2017 година како помошник на Раул Гонзалез со Вардар 1961 ја освои титулата во Лигата на шампионите.

Изминатите три години Дејвис го водеше унгарскиот Веспрем со кој се раздели пред почетокот на оваа сезона.