Македонската фудбалска А репрезентација на 14 октомври во Прага, Чешка, ќе го игра натпреварот против Украина во квалификациите за Европското првенство во 2024 година.

Овој дуел е многу важен и за двете национални селекции да се остане во трката за едно од местата кои водат на континенталниот собир кој ќе се организира во Германија.

Украинскиот Сергеј Ребров веќе објави на кои играчи ќе смета за октомвриските мечеви против Македонија и Малта.

Наскоро составот со повикани фудбалери треба да го објави и нашиот селектор Благоја Милевски за натпреварот со Украина, како и пријателската средба со Ерменија во Струмица на 17 октомври, а веќе е познато едно име кое ќе се најде на истиот.

Станува збор за 29-годишниот играч за врска во нападот, Давид Бабунски, потврди неговиот клуб од Унгарија, Мезекевешд. Бабунски ја игра втората сезона во Мезекевешд, а во новата сезона до сега во тамошниот шампионат запиша четири настапи.