Бобан Данов се очекува да ја претставува Македонија на уште едно големо натпреварување, Европското првенство во самбо.

Овој настап ќе се организира во периодот од 13 до 16 мај 2021 година во Лимасол (Кипар), иако првичниот план беше истиот да се одржи во Италија.

Од сите учесници на овој настап ќе се побара негативен тест на ковид-19 не постар од 72 часа. Сите натпреварувачи ќе бидат во т.н. санитарен балон со цел да се заштитат од контакт со надворешниот свет и максимално се заштитат од можност за инфекција со ковид-19.

Своите очекувања во пресрет на ЕП во Кипар ги сподели Данов:

– Да, има најава, требаше да биде во Италија и сега е преместено во Кипар. Полека се влегува во форма, тренирам во Балканец, воедно сум и тренер. Претходно настапив на изборниот шампионат и станав прв на 125 кг во борење – ни изјави Данов.

Неодамна Балканец од Штип се промовираше во моментно најдобар боречки клуб во Македонија. На изборното првенство токму на домашен терен освои екипни први места кај младинците и пионерите. А претходно и во Скопје на Изборното првенство дојде до екипни први места во сениорска и кадетска конкуренција.

Веб порталот на „Слободен печат“ во ноември минатата година направи интервју токму со Бобан Данов минатата година за развојот на македонското самбо, и најголемите досегашни успеси во овој спорт.