Во врска со евентуалното враќање на учениците во училиштата од септември, професорот на Медицински факултет и поранешен министер за здравство, доктор Драган Даниловски за „Слободен печат“, вели оти по стивнувањето на пандемијата учениците ќе се вратат на настава со физичко присуство. 

– Ќе се вратат и онака – откако ќе стивне епидемијата. Дефинитивно, од септември би требало наставата нормално да се изведува. Се разбира, ако трендот на бројките продолжи како досега и ако темпото на вакцинирање остане исто и ако не останат премногу вакциноскептици и антиваксери… Останува да видиме – истакна Даниловски, кој потоа зборувајќи за евентуално вакцинирање на учениците во нашата земја, посочи оти не верува дека тоа ќе се случи.

– Во принцип, јас сум „за“ вакцинирање и на помладите од 18 години. Но, не верувам дека кај нас ќе дојде до тоа – заклучи Даниловски.