Денеска преку ждрепка се дознаа паровите од 1/16 финалето во машкиот одбојкарски ЦЕВ Челинџ куп, а во истата учествуваа две македонски екипи.

Омонија Никозија од Кипар е противникот на Џио Стримица со која ќе ги одмери силите, нашиот претставник е домаќин на првиот натпревар, а реваншот ќе се игра на гостински терен.

ОК Вардар Скопје за ривал го доби словенечкиот состав на Калцит Волеј Камник. Првите дуели ќе се играат од 8-10 октомври, а возвратните пресметки до 13-15 октомври 2020 година.

И во женска конкуренција нашата земја има свој претставник, одбојкарките на Вардар Жени 2019 во првата елиминациска рунда од ЦЕВ Челинџ купот ќе игра против финската екипа на Хаменлина.