Време е да ги декорирате вашата тераса или двор, а прекрасните бегонии повеќекратно ќе ве наградат со своите раскошни цвеќиња и фасцинантни бои.

Едно од цвеќињата што најчесто се одгледува на тераси, бидејќи изгледа прекрасно и раскошно цвета во текот на летните месеци, но се верува и дека им носи среќа на домашните.

Бегонијата е прекрасно цвеќе кое може успешно да се одгледува на терасата, во дворот, па дури и во куќата.

Постојат повеќе од 1.700 видови на овој цвет, а познат е по своите светли бои на кои е навистина тешко да се одолее на веќе на прв поглед.

Како се одгледува бегонија?

Бегонијата не сака премногу топлина и сончева светлина. Одлично ќе расте на терасата во жардиниери кои се пошироки, а поплитки. Потребно е редовно наводнување на растението. Почвата секогаш треба да биде влажна, но не претерувајте, бидејќи цвеќето ќе скапе.

Препорачливо е да се полева во самата основа на растението, за да останат листовите суви и на тој начин да се заштитат од мувла и гниење. Водата треба да биде отстоена на собна температура.

Бегонија носи среќа

Нашиот народ верува дека бегониите треба да се подарат на драга, сакана личност, бидејќи привлекуваат среќа во домот, убави настани во љубовта и добро здравје.

Црвената бегонија симболизира љубов и страст, розовата нежност, жолтата симболизира радост, среќа, пријателство, надеж, а белата невиност и чистота на душата.