Центарот за управување со кризи (ЦУК) информира дека имало вкупно 1 477 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 63,10%, а 36,90% биле за други потреби на граѓаните што не биле итни. Кон Полиција биле упатени 52,24%, кон Итната медицинска помош 30,85%, а кон пожарникарите 0,50%, од реалните повици кон 112 во ЦУК. Инаку, имало 578 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (16,42%) и на тие што се именувани како „неитни повици“(36,90%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).

Во ЦУК, вчера, имаше повеќе дојави за поплавувања и штети од пороен дожд, град, а и од ветер, на објекти, куќи, земјоделски површини, на патишта и на автомобили во државата.

Регионалниот ЦУК Куманово, информираше дека поради обилните поројни врнежи од дожд и од град во Липковскиот регион на ден 21.05.2024 година, имаше зголемување на нивото на Липковска Река, заради што дојде до заматување на водата за пиење. Заради тоа во текот на вчерашниот ден 22.05.2024 година, беше прекината дистрибуцијата на водата до граѓаните, се до моментот на надминување на состојбата. Од страна на ЦУК вчера рано утрото, беше побарано инспекциските служби и Центарот за јавно здравје Куманово да излезат на лице место, направат увид, земат мостри за анализа и да донесат соодветно решение за понатамошна постапка, а до тогаш препорача превентивно водата од водововод превентивно да не се пие, што веднаш утрово беше пренесено брзо и ефинасно од медиумите.

Инаку, вчера, после седницата што почна околу 12.00 часот на Општинскиот штаб за заштита и спасување во Куманово, беа донесени следните заклучоци и препораки: главен проблем претставува заматување на вода во водоснабдувачкиот систем заради обилни дождови поради што водата која се доставува во водоводната мрежа во Куманово, исто така е заматена, па им се препорачува на граѓаните водата да се користи како техничка вода, или истата да не се користи без зовривање се додека не се установи дека истата е безбедна за пиење, а Општинскиот Штаб за заштита и спасување доби задолжение да достави барање до надлежни институции (Агенција за храна и ветеринарство и Центар за јавно здравје) за добивање на решение за употреба на вода во водоводниот систем како техничка.

Во Општина Ранковце, заради врнежите од дожд на ден има зголемување на водостојот и излевање на Крива Река во атарот на с.Опила. Од Општина Ранковце по увид на лице место, каде што е една нива и импровизирано игралиште се поплавени, е констатирано дека тоа е нерасчистеното корито од широко распространетата вегетација. Мерки за расчистување Општина Ранковце ќе преземе веднаш по смирување на водата во речното корито и повлекување на истата.

Во Општина Кратово, согласно и добиени информации од граѓани, дел од патот кај месноста „База“, пред мостот кон с.Куклица, Крива река поради зголемен водостој е излеана и е поплавен дел од патот. Висината на водата во тој дел од патоте околу 30 см, па сообраќајот се одвива отежнато.

Различни пријави поради обилниот дожд и град биле примени и во Регионалниот ЦУК Скопје за подрачјето на Град Скопје. Имено, поплавено е земјоделско земјиште како последица од излевање на Маркова Река, во близина на мостот на ул.„Горно Лисиче“ бб (Општина Аеродром), одводниот канал на локација ул.„Финска“ во населбата „Ченто“ е затрупан и обраснат со дива вегетација поради што во Гази Бава се поплавиле подрумски простории на куќи, поплавени дворови и подрумски простории имало на ул.„Драчевска“ и на ул.„Ниџе Планина“ бр.19 во Драчево (Општина Кисела Вода), а во Општина Чучер Сандево има пријави за неколку оштетени куќи и моторни возила во селата Блаце и Бродец како последица од поројните врнежи од дожд и град.

Сите овие пријави Регионалниот ЦУК Скопје, по комуникациската координација за помош во првиот момент на итните случаи, ги проследи до соодветните Единици за локална самоуправа – општините, за понатамошна постапка.

Регионалниот ЦУК Штип, известува дека во с.Уларци, Општина Чешиново – Облешво како последица од поројните врнежи, дошло до преполнување на каналите за наводнување. Атмосферската вода навлегла во веќе полните канали за наводнување што биле спремни за сеидба на ориз. Поплавени биле повеќе дворови и објекти.

И покрај локалните поројни дождови има еден пожар евидентиран на отворено каде интервенирале противпожарните служби од Неготино на запалени ниска вегетација над село Војнашинци.

ЦУК информира и за минирања во два реона, конкретно од 10 до 15 часот ќе се изврши минирање во каменоломот Говрлево (Општина Сопиште), а од 12 до 16 часот минирање на автопатот А2 Кичево – Охрид.