Црвениот тепих од скалите на театарот Лумиер каде што се одржува Канскиот фестивал се менуваше секој ден од 13 до 24 мај, сè додека траеше настанот, а сега се нуди на продажба, по цена од едно евро по килограм.

Тон и пол црвен синтетички материјал, на кој многу ѕвезди од светската кинематографија оставија траги, ќе „го живее својот втор живот“ во рацете на стилисти во Марсеј, за потребите на театарски трупи или модни ревии, пренесуваат странските медиуми.

„Се продава како едноставен фин црвен филц, а не како тепих од Канскиот фестивал“, објасни Жана Ре, координаторка на Здружението за управување со отпад во креативниот свет, на кое Канскиот филмски фестивал му плаќа за да ги „ревалоризила“ своите теписи.

Како што изјави таа, оваа ткаенина не се продава како маркетиншка карактеристика на фестивалскиот тепих, туку се препродава по истата цена по која е купена, при што целта е повторно да се употребат елементи кои не се наменети за рециклирање сами по себе, бидејќи Канскиот филмски фестивал се грижи за заштита на животната средина.

„Така, црвениот кански тепих ќе се препродава по цена од едно евро по килограм“, рекла таа.

Канскиот тепих може да се користи за изработка на класични женски чанти, но и торби за шишиња вино, кутии за чаши, како и разни уникатни предмети, објаснува Елса Рамуни-Јордикијан, клиентка на Здружението.