Еден постар маж од авганистанската провинција Кост, Акел Назир, за авганистанскиот портал „ТОЛО Њуз“ (TOLO News) изјавил дека има 140 години – тврдење кое би го направило еден од најстарите луѓе во светот.

Назир, кој сака неговата возраст официјално да биде потврдена преку документација, рече дека имал повеќе од 30 години кога Авганистан стекнал независност од Велика Британија. Тој е жител на областите Сабари и Јакуби во провинцијата Кост.

⏳🇦🇫⏳
Afghan man claims to be 140 years old – could he be the world’s oldest living person?

🔹 Akel Nazir says he was ~30 when Afghanistan gained independence from Britain in 1919

🔹 Remembers King Amanullah Khan’s reign and independence celebrations

🔹 Heads a 100-member… pic.twitter.com/1rurtU2OuR

— Anton Koop (@anton_koop893) April 4, 2025

Иако не се сеќава на многу настани во животот, тој се сеќава дека имал повеќе од 30 години за време на владеењето на кралот Аманула Кан и учествувал во прославите на независноста.

„Бев во палатата со кралот Аманула Кан. Тогаш имав повеќе од 30 години и се сеќавам дека рековме дека Британците побегнаа и се поклонија. Сите беа среќни и му се заблагодарија на кралот што ги избрка Британците. Многу водачи нѐ следеа до (претседателската палата) Арга, но сега сите починаа“, рече Назир, пренесува „ТОЛО Њуз“.

Семејството на Назир брои повеќе од 100 членови, а дури и неговите внуци имаат внуци. Портпаролот на гувернерот на провинцијата Кост, Мустафар Гурбаз, рече дека ќе биде испратен специјален технички тим за да се потврди неговата возраст.

Доколку се потврди возраста на Назир, тој ќе добие посебна здравствена заштита и ќе биде регистриран како најстар жив човек во светот.