Червар во шок по смртта на Сарачевиќ
Славниот хрватски тренер Лино Червар е во шок по смртта на легендарниот ракометар Златко Сарачевиќ.
Сарачевиќ вечерва почина откако наеднаш му се слошило во неговиот автомобил по што бил пренесен во болницата во Копривница „Др. Томислав Бардек“, но докторите не успеаја да го реанимираат.
Препорачано
– Не ми е јасно, навистина не ми е јасно. Во тотален шок сум. Знам дека не беше болен. Златко беше пример на тренерската струка, спортско однесување, олимписки шампион. Ми беше и помошник на ЕП 2018 година. Беше се, но пред се беше човек. Никогаш за никого не кажал ниту еден лош збор и никој за него не можеше да каже нешто лошо – изјави шокираниот Червар.
Сега веќе поранешниот селектор на Хрватска се потсети и на таткото на Златко Сарачевиќ кој исто така беше голем ракометар.
– Јас го знаев и неговиот покоен татко кој исто така беше голем играч. Играше на истата позиција, десен бек. Загубивме голем спорт во овие несигурни и тешки времиња. Ова е голем удар за ракометот, за спортот и за сите кои го познаваа. Шокиран сум и тешко ми е да зборувам, навистина беше голем човек – додаде Червар.
Трагедија во Хрватска: Почина легендарниот ракометар Златко Сарачевиќ
