Поранешниот македонски селектор Чедомир Јаневски има нов тренерски предизвик, до крајот на тековната сезона 2022/2023 ќе ја води екипата на АЕЛ Лимасол од Кипар.

Нашиот 61-годишен стратег до сега беше помошник селектор во фудбалската репрезентацијата на Јужна Африка.

И претходно беше дел од кипарскиот фудбал, односно беше тренер на Енозис Неон Паралимни, Етникос Ахна и Олимпијакос Никозија.

Во редовите на АЕЛ Лимасол настапува 24-годишниот Давор Здравковски, а на крајот од минатиот месец договорот со клубот го раскина Кире Ристевски.

Јаневски беше на клупата на голем број клубови, меѓу кои Црвена звезда, Клуб Бриж со кој го освои Купот на Белгија во 2007 година, а една година порано со грчкиот Олимпијакос како помошник тренер дојде до трофеите во првенството и купот на таа земја.