Општина Центар започнува со санација на оштетени улици односно ќе се крпат „ударни дупки“ во сите населби на општината.

Во изминатиот период, службите на локалната самоуправа, ги евидентираа локациите каде постојат видливи оштетувања на инфраструктурата кои во следниот период треба да бидат асфалтирани.

Поради поголема успешност на оваа акција, Општина Центар ги повикува и граѓаните со уредно наведување на точната локација и број на улицата, да пријават ударни дупки на територијата на општината. Граѓаните кои сакаат да пријават тоа можат да го направат јавувајќи се на телефонскиот број 076381673 или преку e-mail адресата: [email protected] – информираат од Центар.

Оттаму велат дека оваа акција ја преземаат со цел да се овозможи безбедно движење на граѓаните, велосипедите и моторните возила.