По која цена можете ја купите книгата на принцот Хари и колку милиони долари ќе заработи од неа?
Книгата на принцот Хари „Spare“ (Резерва) официјално е пуштена во продажба. Цената на мемоарите е 28 фунти (31,74 евра) во Велика Британија, а може да се набави и како аудиоснимка за 20 фунти (22,67 евра). Многумина ги интересира колку војводата од Сасекс заработил од публикацијата.
Препорачано
View this post on Instagram
Медиумите со денови шпекулираат за тоа, па „Би-би-си“ објави дека издавачката куќа „Пингвин рендом хаус“ (Penguin Random House) му платила на Хари аванс од 20 милиони долари за „Резерва“. Во меѓувреме, ЕТ Канада објави дека принцот заработил од 35 до 40 милиони долари. Ниту една цифра сѐ уште не е официјално потврдена.
View this post on Instagram
Се очекува Хари да ги донира средствата од продажбата на книгата во добротворни цели, објави „Пипл“. Принцот најави дека дел од приходите ќе бидат наменети за Sentebale, организација што ја основал во 2006 година заедно со принцот Сисо од Лесото за да им помогне на децата погодени од ХИВ во Африка.
„Ова е една од неколкуте донации што планирам да ги дадам за хуманитарните организации и благодарен сум што можам на овој начин да им помогнам на децата и заедниците на кои тоа им е неопходно потребно“, рекол претходно во изјава за медиумите.
View this post on Instagram
Во книгата од 416 страници, Хари ја раскажа својата приказна со „непоколеблива искреност“, велат од издавачката куќа „Penguin Random House“ и додаваат дека книгата е „значајна публикација полна со увид, откритија и самоиспитување“.
„Резерва“, која беше објавена во Шпанија пред официјалното објавување, опфаќа широк спектар на теми, од односот на Хари со неговиот брат Вилијам до тешкотиите по смртта на неговата мајка, принцезата Дијана во 1997 година.
ВИДЕО+ФОТО | Вилијам и Хари повторно еден покрај друг: Кејт и Меган во црно од глава до пети
Утре излегува „Резерва“: Сите скандали кои принцот Хари ги откри досега
