Новите истражувања покажаа дека јадењето високо калорична храна или брза храна веројатно може да доведе до невролошки и когнитивни нарушувања подоцна во животот.

Научници од Лос Анџелес во Универзитетот во Јужна Калифорнија, ги разгледувале резултатите од десетици студии спроведени на глувци, и откриле дека високо калоричната исхрана со многу маснотии – во истражувачките кругови позната како „западна исхрана“ – била поврзана со влошена меморија, зголемена анксиозност и други когнитивни проблеми.

Се чини дека на веќе документираните влијанија што „западната исхрана“ ги има врз тежината, метаболизмот и целокупното здравје, им се додаваат и нови.

Според истражувањето, објавено во списанието „Frontiers in Neuroscience“, се укажува на тоа дека исхраната може да има многу поголемо влијание врз невролошкото здравје и развој отколку што се сметаше порано.

Поточно, истражувачите откриле дека глувците кои јаделе брза храна за време на раните фази од животот, кои се важни за развој, имале влошена анксиозност и проблеми со меморијата, без оглед на фактот за зголемената телесната тежина. Тоа исто така брзата храна довела до однесување слично на зависност, бидејќи глувците почнале да копнеат по храна со шеќер и маснотии…

Идејата зад ова истражување е дека „западната исхрана“ може да функционира како посредник за американизирана исхрана со калорични закуски, газирани пијалаци и друга нездрава храна, велат истражувачите.

„Покрај тоа што е предиктор за дебелина и метаболичка дисфункција, потрошувачката на оваа храна е поврзана со намалени когнитивни перформанси низ целиот животен век… Особено, консумирањето на „западната исхрана“ за време на критичните рани фази на развој може да има негативни последици врз различни когнитивни способности“, велат тие.

Се разбира, најдобриот начин да се тестираат влијанијата што ги има исхраната врз когницијата, е да се проучуваат самите луѓе, но да се спроведе истражување на исхраната кај луѓе е многу тешко, пишува „Futurism“.

Значи, наместо темелно истражување на луѓе, студиите проведени на глувци можат да послужат како разумен – ако не и совршен – индикатор за можни ризици по нашето здравје, кои вреди да се имаат предвид.