Брејтвејт го раскина договорот со Барса, на „Камп Ноу“ доаѓа Белерин
Барселона денеска на последниот ден од летниот преоден рок е многу активна на фудбалскиот пазар, со најави за заминувања, но и најави за нови играчи.
Препорачано
Претходно беше објавено дека од „Камп Ноу“ си оди Пјер-Емерик Обамејанг, а доаѓа Маркос Алонсо од редовите на Челси.
Најновата информација е дека Мартин Брејтвејт го раскина договорот (кој траеше до лето 2024 година) со каталонскиот клуб. Се очекува данскиот интернационалец да ја продолжи кариерата во екипата на Еспањол.
Овој напаѓач Барса во две и пол сезони запиша 59 натпревари, имаше пет голови и три асистенции во лигашките мечеви, а три погодоци имаше во Лигата на шампионите и уште два во „Копа дел Реј“ кој го освои во сезоната 2020/2021.
Исто така, како што информира Фабрицио Романо, досегашниот член на Арсенал Ектор Белерин се сели на „Камп Ноу“ со договор на една година без опција за продолжување на соработката на уште една сезона.
Лекарските прегледи се закажани, во следните часови се очекува шпанскиот 27-годишен десен бек да потпише договор со Барса кој ќе важи до јуни 2023 година.
Agreement to terminate Martin Braithwaite's contract with FC Barcelona
— FC Barcelona (@FCBarcelona) September 1, 2022
Hector Bellerín to Barcelona, here we go! Been told it’s all agreed, one year contract with NO option for further season. Bellerín will sign until June 2023 in the next hours. ??? #FCB #DeadlineDay
Medical scheduled, contract will be terminated by mutual consent with Arsenal. pic.twitter.com/4ezoTWm2vH
— Fabrizio Romano (@FabrizioRomano) September 1, 2022
