Бред Пит доби сметка за данок за лозјето во Франција: Среќен е што треба да плати 1,5 милиони евра
Холивудскиот актер Бред Пит (60) повторно се најде во неволја поради лозјето што го купи со поранешната сопруга Анџелина Џоли (48), а кое се наоѓа во Прованса, на југот на Франција.
Препорачано
Актерот добил сметка за данок од 1,5 милиони евра, бидејќи официјалните лица процениле дека бизнисот на лозјето Шато Миравал е зголемен. Бред не се налутил поради висината на сметката, туку е среќен бидејќи тоа го смета за доказ дека неговите вложувања и напори навистина се исплателе, пишува „Дејли Мејл“.
Актерот, исто така, мисли дека данокот ќе му помогне во неговата правна битка со Анџелина, која тврди дека ги потрошила нејзините пари на проекти во лозјето, вклучувајќи базен и раскошни скали.
Да потсетиме, Бред и Анџелина купија лозје во Прованса во 2008 година, а сега поради овој имот со години се на суд. Во 2021 година, Анџелина тајно ја продаде својата половина на руски олигарх.
„Бред го изгради овој бизнис од темел преку крв, пот и солзи со неговиот деловен партнер Марк Перин. Анџелина можеби е една од најпрепознатливите жени во светот, но не би рекле дека претприемништвото е нејзината сила. Таа сама не може да подготви бања, а камоли да води лозје“, изјавил извор близок до актерот.
ФОТО ГАЛЕРИЈА | Најпосакуваниот маж на светот денеска полни 60 години: Среќен роденден Бред Пит
