Ниту коронакризата не ги спречи партиите и оваа година братски да „лапнат“ над три милиони евра од буџетската каса кои законски им припаѓаат откако во јули 2018 година едногласно го изгласаа Законот за финансирање на партиите.

На партиските сметки оваа година во јуни веќе легнаа пари, откако со Уредба со законска сила за финансирање на политичките партии која Владата ја донесе во април, на политичките субјекти им беа дадени 0,4 процени од буџетот. Вкупно оваа година партиите ќе добијат 0,10 проценти односно ќе си поделат вклупно 3.260.065 евра.

Пред Нова Година партиите ќе се засладат со над три милиони евра пари од буџетскиот колач

За разлика од атмосферата во собранието минатата недела, овој закон беше донесен викендов и тоа без расправии или илјадници амандмани. Левица беше единствената партија чии пратеници не гласаа ЗА, но сепак пратениците од партијата не беа ниту против или воздражни.

На ваквата одлука јавноста бурно реагираше на социјалните медиуми, а и поранешниот член на Левица Бранимир Јовановиќ со јавен статус на неговиот фејсбук-профил упати прашање до двајцата пратеници од партијата:

„А бе кај се Апасиев и Крмов да прават „филибастеринг“ за 3-те милиони евра народни пари за политичките партии?

Нешто не им текнуваат „смешни“ амандмани кога треба и тие да лапнат стотици илјади евра…
Ама добро, нека паднат маските…

Нека видат сите убаво дека не им е гајле ниту за сиромашните, ниту за државата, него само за еврата на нивните сметки…“, стои во објавата.

Хумористични или апсурдни – амандманите ја преиспитуваат функционалноста на Собранието

Од Левица, која користи филибастеринг за да блокира други законски решенија, денеска излегоа со став дека „државното финасирање е оправдано како механизам за политичка независност.“

Ниту за најголемите партии СДСМ и ВМРО-ДПМНЕ нема ништо спорно во овој закон.