Звучни трансфери во редовите на одбојкарскиот клуб Струмица кој ангажираше тројца македонски репрезентативци.

Никола Ѓорѓиев, еден од најдобрите во историјата на македонската одбојка, 36-годишниот играч во текот на минатата сезона ги бранеше боите на Љубљана, Словенија.

Н. Ѓорѓиев во текот на својата професионална кариера стекна големо искуство играјќи во странство за клубови и од Србија, Италија, Турција, Франција, Јапонија, Полска..

Актуелниот шампион го ангажираше и братот на Никола, Ѓорѓи Ѓорѓиев, како и искусниот Александар Љафтов.

– Кога би формирале дрим-тим, како го замислувате? Без гајле, ние го направивме тоа за вас. Т’ф, Коки и Љафта се придружуваат на својот тим. И тоа е, го имаме дрим-тимот! Момци, добредојдовте дома – објавија од одбојкарскиот клуб Струмица.