Екипите на Пинар Каршијака од Турција и Бора Приштина од Косово ќе играат во големото финале на меморијалниот кошаркарски турнир „Боби Петковски“, откако во полуфиналните средби излегоа како победници против македонските претставници на собирот во Гевгелија, екипите на Работнички и Кожув.

Бора Приштина чиј капитен а македонскиот репрезентативец Адем Мекиќ триумфираше минимално со 77:76 над Кожув.

Мекиќ реализираше 10 поени за неговиот тим, од неговите тимски колеги ДК Николас запиша 26 поени, а на спротивната страна за гевгелискиот клуб блескаше новото засилување Девон Хигс со 16 поени, следен од нашиот репрезентативец Теодор Симиќ со 14 поени (девет скока).

Во второто полуфинале Пинар Каршијака го совлада Работнички со 84:74, кај победникот по 15 поени имаа Мајкл Мур и Крис Киоза (седум асистенции).

За Работнички Џордан Онил реализираше 21 поен, имаше и шест скока, додека Џејкоб Хатсон имаше 16 поени, плус и осум скока.

МЕМОРИЈАЛЕН ТУРНИР „БОБИ ПЕТКОВСКИ“ – ГЕВГЕЛИЈА
РАСПОРЕД И РЕЗУЛТАТИ

ПОЛУФИНАЛЕ

Кожув – Бора 76:77
Пинар Каршијака – Работнички 84:74

10 СЕПТЕМВРИ (СРЕДА)

ЗА ТРЕТО МЕСТО
18.00: Кожув – Работнички

ФИНАЛЕ
20.00: Бора – Пинар Каршијака