Сагата околу Донован Мичел ова лето конечно дојде до својот крај. Искусниот бек кој до сега го носеше дресот на Јута џез има нов НБА клуб.

Во новата натпреварувачка сезона се очекува да ги брани боите на Кливленд кавалирс кој во својата НБА историја има една титула освоена во 2016 година, а најголема ѕвезда тогаш им беше Леброн Џејмс.

Како што пренесува добро информираниот НБА новинар, Адријан Војнаровски, Кливленд Кавалирс го ангажираше Донован Мичел во „трејд“, велат извори за „ЕСПН“.

Кавалирси на патот кон Солт Лејк Сити ги испрати Колин Секстон, Лаури Марканен и Охаџи Агбаџи.

Исто така Јута ќе добие право и на три пика од првата рунда на драфтот, како и две замени за пик во првата рунда.

„Џезерите“ на тој начин за краток временски период се откажаа од двете најголеми ѕвезди. Најпрвин Руди Гобер отиде во Минесота, исто така за голем „улов“ на пикови, а сега Мичел ќе оди во Кливленд. Се чини дека ова е уште една добра работа на менаџментот на тимот на Солт Лејк Сити под водство на Дени Ајнџ, долгогодишниот прв оперативец на Бостон Селтикс, кој сега е задолжен за реконструкција на тимот на Јута.

The Cleveland Cavaliers have acquired Donovan Mitchell in a trade, sources tell ESPN.

— Adrian Wojnarowski (@wojespn) September 1, 2022

Sources: The Cleveland Cavaliers are trading Collin Sexton, Lauri Markkanen, Ochai Agbaji, three first-round picks and two pick swaps to the Utah Jazz for Donovan Mitchell.

— Shams Charania (@ShamsCharania) September 1, 2022