Како што информира порталот „Нова.рс“, сметката на АБА-лигата е блокирана. А причината е нерасчистени правни акти, како продолжение на сето она што се случуваше летово кога Партизан побара исфрлање на ФМП од натпреварувањето.

На што може да влијае блокираната сметка на АБА-лигата?

На клубовите, се разбира, но и за сите официјални лица, бидејќи АБА-лигата е таа што ги сноси трошоците за натпревари, патни трошоци, дневници за службени лица..Сега сите плаќања се стопирани. 

Пандемијата на коронавирусот од почетокот на март ја прекина минатата сезона во АБА-лигата.

Натпреварувањето потоа кон крајот на мај и дефинитивно беше прогласено за завршено, без нов шампион и испаѓање во понизок ранг.

Минатиот петок стартуваше новата сезона, а во првото коло триумфираа екипите на Црвена звезда, Будуќност, Мега, ФМП, Борац и Цедевита Олимпија. Рундата треба да биде комплетирана со дуелот Задар-Морнар Бар.