Блејк Лајвли се најде на мета на нови, потенцијално штетни обвинувања откако се огласија неколку нејзини поранешни вработени. Во 2014 година, Лајвли ја лансираше компанијата за животен стил „Презерви“, која работеше само една година, а за која вработените тврдат дека била исклучително токсична.

„Целата компанија беше апсолутна катастрофа. Обвинувањата што Блејк ги изнесе против Балдони за малтретирање на работното место се многу иронични, со оглед на тоа што нејзината компанија беше една од најлудите, најтоксичните и емоционално исцрпувачките средини што можете да ги замислите“, изјави еден вработен за „Дејли Мејл“.

Друг се согласи, додавајќи дека добил впечаток дека на актерката „воопшто не ѝ е гајле“ за компанијата. Нејзиниот брат Ерик Лајвли, кој наводно бил креативен директор, бил вмешан во сè. Вработените тврдат дека тој често преспивал кај него, поради што морале да чекаат на студ додека некој не ги пуштил во просториите на компанијата, кои се наоѓале на Менхетен.

Неколку од нив изјавија дека биле принудени да седат на подот со месеци додека не добиле мебел. „Немавме дури ни столчиња со недели или месеци. Никој не ја пропушти иронијата дека ова е компанија што продава многу скапи производи“, рече изворот. Вработените наводно морале да работат „како луди“, а некои велат дека честопати не можеле да си дозволат ниту билет за метро затоа што им доцнела платата.

Во извештајот, исто така, се наведува дека некои членови на персоналот се заканиле со тужба, за што наводно добиле отштета до 300.000 долари. Се тврди дека публицистката на Лајвли, Лесли Слоун, е „виновна“ за сè, и дека таа наводно „сè закопала под тепих“. Пред две години, Блејк исто така проговори за целата работа, велејќи само дека имало „некои работи зад сцената што не можеле да ги откријат“.