Нема многу работи што познатите холивудски ѕвезди не би ги пробале во име на убавината и негата на кожата, а тоа секако важи и за Џенифер Анистон.

Актерката неодамна откри дека еднаш пробала третман за лице со сперма од лосос, признавајќи за „Вол Стрит Журнал“ (Wall Street Journal) дека „би пробала речиси сè“ за да го задржи младешкиот изглед на нејзината кожа, пишува „Космополитан“ (Cosmopolitan). 

Кога естетичарот ѝ предложил третман за лице со сперма од лосос, 54-годишната актерка била љубопитна.

– Прво, реков: „Дали си сериозен? Како се добива сперма од лосос?“ – изјавила Анистон.

Сега, Џенифер призна дека „не знае дали третманот направил нешто“.

„Ризично, ако ме прашувате мене“, изјави таа, откривајќи го нејзиниот ритуал за нега на кожата – неделни пептидни инјекции за борба со ефектите од стареењето.

„Мислам дека тоа е иднината“, додаде таа.