Објавена е листата на најпуштани песни на глобалната Билборд листа во 2023 година.

На тронот е песната „Flowers“ на американската пејачка Мајли Сајрус. Доби пофалби од музичките критичари и постигна огромен комерцијален успех. Меѓу другото, овој сингл помина осум недели на врвот на топ 100 листата на Билборд во САД.

Сајрус ја искористи песната „Flowers“ за да го опише нејзиниот развод со актерот Лиам Хемсворт, со кој беше во брак помалку од една година. Тие стапија во врска кога таа имаше 16 години, а во неколку наврати раскинуваа.

Следен на листата на Билборд за најпуштани песни во 2023 година е ремиксот на „Calm Down“ на нигерискиот рапер Рема и Селена Гомез. Се смета и за еден од најуспешните синглови на сите времиња кога станува збор за жанрот афробитс.

Музичарката Аманда Ибанез ги напиша стиховите за Селена Гомез. По неколку часа добила одговор од пејачката дека ѝ се допаѓаат и дека се согласила на соработка со споменатиот нигериски рапер. Сепак, никој од нив не очекуваше ваков успех.

Останатите на листата можете да ги погледнете ТУКА.