Стратегот на Шкендија, Јетон Беќири денеска ја одржа прес-конференцијата пред утрешниот реванш натпревар во третото квалификациско коло во битката за Лигата на шампионите.

Шкендија во Скопје на првиот натпревар беше поразена со 1-0, па сега во Баку ќе се обиде да дојде до резултат со кој може да ја надоплни оваа негатива и да се избори за плеј-оф од најелитното европско натпреварување.

„Карабах е многу силен и искусен тим, очекувам тежок натпревар. Ќе дадеме се од себе да постигнеме гол, загубивме во Скопје, па утре немаме што да изгубиме. Голот во Скопје го примивме по нереќна грешка и пенал, а имавме и свои шанси, иако Карабах сепак беше подобар. Во реваншот бидеме поагресивни и повеќе ќе напаѓаме. Исто така, Карабах имаше и еден ден повеќе одмор од нас, патувањата изморуваат, но верувам дека утре ќе имаме сила, па дури и ако се играат продолженија“, изјави Беќири.

Натпреварот помеѓу Карабах и Шкендија е закажан за во терминот од 18:00 часот на стадионот „Тофик Бахрамов“.

Добро познато име ќе дели правда на реваншот помеѓу Карабах и Шкендија во Баку