Еурофарм Пелистер се подготвува за новиот натпревар во Лига Европа, негов нареден противник ќе биде Тримо Требње од Словенија во рамките од петтото коло.

Овој меч ќе се игра во „Тиволи“ во Љубљана на 1 декември (вторник) со почеток од 20.45 часот и истиот ќе го судат Хрватите Циндриќ и Гонжурек.

Тренерот на Еурофарм Пелистер, Жељко Бабиќ верува дека во ова натпреварување нема фаворити, посебно што многу екипи имаа проблеми со ковид-19.

– Видовме дека Тримо Требње ја победи Татабања, иако унгарскиот тим беше фаворит. Мислам дека улогата на фаворит не треба ни да се спомнува. Важно ни е што се враќаме во натпреварувачки ритам, ова ни е трет натпревар во низа, имаме интензитет на тренинзите, играчите се поспремни од пред 10-15 дена и очекувам добра презентација на нашиот тим.

 

View this post on Instagram

 

A post shared by RK Eurofarm Pelister (@rkeurofarmpelister)

Од мој тренерски агол можам да кажам дека Урош Зорман врши одлична работа. Одличен тренер е и тоа е видливо на секој чекор. Екипата е дисциплинирана, страотно брза, казнува од транзиција, добро играат „еден на еден“ и со пивотмен. Тимот е одлично селекциониран и добро воден од тренерот Зорман – вели стратегот на битолската екипа, Бабиќ.

Моментно на табелата во групата „Д“ Тримо Требње е на третата позиција со два бода од еден одигран натпревар, а Еурофарм Пелистер е на петтата позиција со еден бод од три натпревари.