Авион на „Луфтханза“ на лет од Њујорк до Франкфурт бил принуден да се врати назад поради дефект на моторот над Атлантикот, соопшти германската авиокомпанија.

„Значително зголемување на потрошувачката на гориво е забележано кај еден мотор за време на искачувањето“, изјави „Луфтханза“ за ДПА за инцидентот, кој се случил на 13 мај.

Во соопштението се вели дека моторот откажал, а пилотот прогласил вонредна состојба до контролата на летање и авионот се врати на аеродромот „Џон Ф. Кенеди“ во Њујорк.

Моторот оттогаш е проверен, а неисправна контролна единица е идентификувана како причина за дефектот и е заменета.

„Авионот е повторно во употреба веќе неколку дена“, соопшти Луфтханза.

Авионот со 199 патници летал 10 минути без пилот, копилотот се онесвестил заклучен во пилотската кабина