Акциите на „Дизни“ скокнаа за повеќе од 26 проценти само во изминатиот месец, поттикнати од успехот на „Avatar: The Way of Water“.

„Avatar: The Way of Water“, продолжението на филмот со најголема заработка во историјата на кинематографијата – „Avatar“ (2009), излезе пред шест недели, а веќе заработи 2 милијарди долари на бокс-офисот ширум светот.

Номинациите за филмската награда Оскар доаѓаат во време на предвидувањата дека „Avatar: The Way of Water“ наскоро ќе го надмине „Titanic“ како втор филм со најголема заработка на сите времиња.

 

View this post on Instagram

 

A post shared by Avatar 2 ~ The Way of Water (@avatar2officialmovie)

Фактот дека производството на третото продолжение на „Avatar“ е веќе започнато, додека четвртото продолжение е веќе напишано и петтото продолжение се планира, сугерира дека „Дизни“ ќе има огромен прилив на пари во наредните години. Но, иако успехот на филмот е нешто за што сите зборуваат, „Дизни“ успева и во другите свои потфати.

Нивната филмска платформа, Дизни плус, рапидно расте, а бројот на претплатници се зголеми за повеќе од 12 милиони во последниот квартал од 2022 година, објави српскиот медиум „Данас“.

Компанијата има за цел да се натпреварува со Нетфликс, а некои аналитичари проценуваат дека платформата ќе има повеќе од 200 милиони претплатници до 2025 година.