На „Ванда Метрополитано“ стадионот денеска од 21.00 часот ќе се игра големото дерби помеѓу Атлетико Мадрид и Барселона во рамките од 10 коло во „Ла Лига“.

Натпреварите на „јорганџиите“ и каталонскиот клуб секогаш носат возбудувања, а очекуваме така да биде и во новиот лигашки меч.

Интересен е податокот што Атлетико во најсилното шпанско првенство нема победа против Барса повеќе од 10 години.

Поточно, последен пат мадридскиот гигант славеше на 14 февруари 2010 година со 2:1 на домашен терен. Тогаш головите за победникот ги реализираа Диего Форлан и Симао, а единствениот на спротивната страна беше дело на Златан Ибрахимовиќ.

Оттогаш Каталонците имаат 14 победи, а шестпати дуелите завршуваа нерешено. Последен пат се сретнаа годинава како дел од ланската сезона, на „Камп Ноу“ кога резултатот беше 2:2.