На Летните олимписки игри во Токио својот настап го имаше и шестиот македонски спортист, единствениот наш претставник во атлетиката, Јован Стојоски.

Тој во 04.09 часот по македонско време беше дел од четвртата квалификациска група во која трчаше и светскиот рекордер Вејд ван Никерк од Јужна Африка.

Го освои претпоследното седмо место во својата група со време 46,81 секунди што е негов личен рекорд, за една стотинка подобро од неговиот досегашен најдобар резултат.

Во неговата група Хозе Ентони Замбрано од Колумбија триумфираше со 44,87 секунди пред Австралиецот Стивен Соломон, а трет заврши Никерк (45,25).

Севкупно Стојоски заврши на 38 место од вкупно 48 пријавени во оваа атлетска дисциплина.