Кошаркарите на МЗТ одиграа две дијаметрално различни полувремиња во Загреб, едно одлично, друго лошо, на крајот доволно за минимален пораз од Цедевита Јуниор (75:77).

Домашната екипа имаше подобра завршница во дополнителните пет минути, и со голем пресврт во кој надополни 16 поени во второто полувреме му се радуваше на првиот триумф во новото издание во натпреварувањето.

Тренерот на МЗТ, Васко Атанасов е свесен дека вакви пресврти не смеат да се дозволат:

– Тоа не смее да му се случи на мојот тим таков пресврт од ривалите, требаше подобро да ја затвориме разликата од 16 поени. Овој тим на Цедевита Јуниор е прилично добар, но направивме многу грешки. На почетокот на сезоната се надевам дека од вакви натпревари ќе извлечеме поуки. На гостински терен добро се боревме и заслужено водевме во текот на целиот натпревар, но противниците ги искористија своите можности и покажаа дека се подобриот тим денес – рече Атанасов по мечот.

Следниот натпревар македонскиот шампион ќе го има пред своите навивачи против Хелиос Домжале на 23 октомври.