Шкупи славеше убедливо со 0:5 на гостувањето кај литванскиот Хегелман и е пред пласман во второто коло од квалификациите во Конференциската лига.

Тренерот на клубот од Чаир, Џихат Арслан по завршувањето на мечот изјави дека не очекуваше триумф со толкав висок резултат.

– Секако дека не очекувавме толку висока победа, но работевме за тоа и мора да се каже дека ова е наш прв официјален натпревар, додека Хегелман до сега одигра повеќе од 20 официјални натпревари. Имаше дисциплината на теренот, а головите дојдоа во многу добро време. Некогаш губиш, а некогаш победуваш, тоа баш и не е важно, но чувството е многу поважно од сето тоа. Ќе бидеме подготвени и за вториот натпревар, исто како што се подготвувавме овде. Да бидеме сериозни на теренот со дисциплина каква што имавме во денешниот меч – рече Арслан.

Стратегот на Шкупи изјави дека неговите фудбалери да го одиграат овој натпревар 10 пати, немаше да го имаат овој резултат 5:0.

– Овие мечеви се секогаш специфични, секогаш кога може да се случи нешто различно. Мислам дека тимот на Хегелман има висока физичка подготвеност и е многу дисциплиниран и може да биде добар тим во нашиот шампионат – вели Арслан.

Реваншот ќе се одигра на 20 јули во Скопје со почеток од 21.00 часот, а победникот од овој двомеч во следната фаза ќе игра против Левски Софија од Бугарија.