Белоруската тенисерка Арина Сабаленка е првата финалистка на Австралија опен, откако водечката светска тенисерка денеска ја совлада Паула Бадоса од Шпанија во два сета – 6:4, 6:2 за 90 минути на теренот.

Бадоса го направи првиот брејк на мечот, за 2:0, но остана без следниот гем.

Сабаленка направи пресврт за 4:2, што беше почеток на крајот на тој дел од мечот во Мелбурн.

Во вториот сет Белорусинката поведе со 2:1 со брејк, а потоа ја удвои предноста и се упати кон 33-та победа во последните 34 меча на тврда подлога, за трето последователно финале на АО.

Сабаленка в сабота во финалето ќе игра против подобрата од вториот полуфинале меч Ига Швјонтек (Полска) и Медисон Кис (САД).