Серхио Агуеро беше репрезентативец на Аргентина повеќе од 10 години и пред нешто повеќе од една година со овој тим ја освои Копа Америка, но не ни помислуваше дека тоа ќе биде негов последен настап во дресот на Гаучосите.

Неколку месеци подоцна, додека играше за Барселона, беше откриено дека Агуеро има проблеми со срцето, а на крајот овој одличен напаѓач беше принуден да ја заврши својата кариера. Беше сигурно дека Агуеро ќе беше дел од репрезентацијата на Аргентина како играч на Светското првенство во Катар доколку не мораше да се збогува, но се најде начин и тој да добие златен медал.

Sergio Aguero transitioned perfectly into the fun uncle role for the Argentina team. Seen here giving a shoulder ride, was playing a huge drum at some point during the celebrations. Surprisingly Uncle Aguero is younger than Messi pic.twitter.com/r3I4XKZnnM

— Shaf (@Shafutoyou) December 20, 2022

Агуеро пристигна во Доха неколку дена пред почетокот на Мундијалот, но беше одвоен од селекцијата на Аргентина, односно не остана во истиот хотел со репрезентативците. Пред финалето сето тоа се промени. Прво Агуеро одработи неколку тренинзи со тимот, а потоа беше објавено дека повторно е цимер со Лионел Меси, што беше барање на капитенот на Аргентина.

На финалниот натпревар на стадионот Лусаил, Агуеро беше и на трибините, а веднаш по крајот на натпреварот истрча на теренот за да го прослави овој неверојатен успех со довчерашните соиграчи. Многумина беа воодушевени што од аргентинскиот табор му дозволија на легендарниот напаѓач да ужива со нив како уште да е член на тој тим, а на крајот се покажа дека е така.

Sergio Aguero got to lift the World Cup trophy ? pic.twitter.com/EaG9ebRlTS

— GOAL (@goal) December 18, 2022

Многумина се прашуваа како Агуеро на крајот дојде до златниот медал, а аргентинските медиуми излегоа со објаснување кое ги воодушеви навивачите. Имено, аргентинските медиуми наведуваат дека Агуеро бил пријавен како еден од помошните тренери на Лионел Скалони пред финалниот меч против Франција и на тој начин на крајот успеал да освои медал.

Агуеро не беше на клупата на Аргентина за време на натпреварот, но беше на списокот на тимот и го доби медалот за кој сонуваше цел живот, сето тоа благодарение на Скалони и Меси кои сакаа поранешниот напаѓач да биде дел од прославата на светската шампионска титула и на тој начин да го награди за сè што даде за таа селекција во минатото.

Aguero was registered as a coach for Argentina meaning he officially has a world cup medal pic.twitter.com/eRbaj4N2Ub

— ¹⁰ (@SxrgioSZN) December 19, 2022

Агуеро за аргентинската репрезентација дебитираше во 2006 година кога имаше само 18 години, одигра вкупно 101 натпревар и постигна 41 гол. Покрај Копа Америка со аргентинската репрезентација, тој освои и златен медал на Олимписките игри во Пекинг во 2008 година кога заедно со Меси ја предводеше оваа селекција.