Пипа Метјуз (41), помладата сестра на принцезата Кејт Мидлтон, позната и како Пипа Мидлтон, наскоро ќе отвори своја детска градинка на семејната фарма во Западен Беркшир, продолжувајќи ја традицијата на кралското семејство да биде екстремно вклучено во вакви работи.

Мајката на три деца, Пипа Мидлтон, и нејзиниот сопруг Џејмс Метјуз (49), неодамна добија дозвола од локалниот совет да отворат детска градинка на фармата Баклбери, која ја купија во 2020 година за 1,7 милиони евра.

Според извештаите на британскиот „Дејли мејл“, одлуката е донесена како одговор на долгогодишниот недостиг на места во детската градинка во локалната заедница на Западен Беркшир, а советот наведува дека новата детска градинка ќе обезбеди „силни социјални придобивки“ за локалните семејства.

Градинката ќе биде наменета за деца на возраст меѓу девет месеци и пет години, а семејството Метјуз, кое живее во близина со децата Артур (6), Грејс (4) и Роуз (3), ќе може редовно да ја надгледува работата на институцијата.

Проектот е целосно во согласност со филантропските интереси на сестрата на Пипа, Кејт Мидлтон, која со години се фокусира на работа со деца и нивниот ран развој. Принцезата од Велс особено ја нагласува важноста на првите години од животот и улогата на старателите во формирањето на детето.

Членовите на британското кралско семејство, вклучувајќи ги Кејт и Вилијам и кралот Чарлс Трети, се познати по нивното активно вклучување во добротворни организации кои се занимаваат со разни социјални прашања.

Патем, новодобиената дозвола претставува пресвртница за фармата Баклбери, која досега се користеше исклучиво за семејни одмори и рекреативен простор.