Поранешниот селектор на македонската А репрезентација, Игор Ангеловски и натаму е без ангажман по завршувањето на Европското првенство.

Ангеловски за турските медиуми потврди дека имал понуда да седне на клупата на гигантот Фенербахче. Во интервјуто за „ТРТ Спор“ зборуваше за пласманот на нашата селекција на ЕП 2020, големото дерби помеѓу Фенербахче – Галатасарај, за мундијалскиот бараж и за големиот фудбалски талент Елиф Елмас.

Потсетување дека во жрепката за три дена (26 ноември) можни ривали во полуфиналето во март следната година ни се Португалија, Италија, Шведска, Русија, Велс и Шкотска.

Ние се наоѓаме во групата на неносители со Турција, Полска, Украина, Австрија и Чешка.

– Секоја репрезентација има шанса во баражот, бидејќи се игра еден натпревар. Турција и Македонија не се носители и ќе играат на гостински терен во првиот меч. Тешко е за двете репрезентации. Би било потешко да се игра против фаворити како Италија и Португалија – рече Ангеловски за „ТРТ Спор“.