Со денешното свечено отворање започнува најголемото натпреварување за оваа година во слалом кајак, Светското првенство во Сиднеј, Австралија, што ќе се одржи од 29 септември до 4 октомври 2025 година.

Македонскиот кајакар Ангел Петрушев на 1 октомври во 11.37 часот ќе настапи во дисциплината K1.

Во истата дисциплина нашиот натпреварувач ќе ги одмери силите со уште 77 врвни натпреварувачи од целиот свет.

Австралиските фанови ќе имаат можност да бидат сведоци на повеќе од 300 спортисти од 50 земји.

Меѓу учесниците се и австралиските златни олимписки медалистки Џесика и Ноеми Фокс, како и олимпијците од Париз, Тим Андерсон и Тристан Картер.