Американка која нападна вработена во Чипотле ќе мора два месеци да работи во ресторанот
На една жена од Охајо, која е осудена бидејќи фрлила чинија со бурито врз работник во познатиот американски ресотран за мексиканска храна Чипотлe, ѝ бил понуден необичен начин да го намали времетраењето на својата затворска казна.
Судијата нареди Розмари Хејн (39) два месеци да работи во ресторанот за брза храна. Хејн беше снимена во вирално видео како вреска кон вработените во Чипотле пред да ја фрли својата храна во лицето на една од вработените, пренесува Би-Би-Си.
Woman who hurled burrito bowl in the face of Chipotle worker sentenced to 2 months work in a fast food restaurant.
Rosemary Hayne, 39, was found guilty of assault after she hurled a chicken burrito bowl at Chipotle employee Emily Russell, 26, in Parma, Ohio.
She has been… pic.twitter.com/vVTWlNwyT7
— Oli London (@OliLondonTV) December 7, 2023
Најпрво, таа требаше да плати парична казна и да одлежи 180 дена во затвор. Но, судијата доби друга идеја.
„Не ја добивте чинијата со бурито онака како што сакате, а вака реагирате? Ова однесување не е прифатливо“ вели судијата Тимоти Гилиган.
Судијата Гилиган и кажа на Хејн дека би можела да ја намали казната за 60 дена доколку се согласи да работи најмалку 20 часа неделно во ресторанот за брза храна два месеци. Хејн прифати. Инцидентот на 5 септември беше снимен од случаен минувач, кој го објави видеото на Редит, каде стана вирално.
На судот, Хејн се извини и се обиде да го објасни образложението зад нејзиното врескање кон работничката на Чипотле, 26-годишната Емили Расел.
„Ако ви покажав како изгледа мојата храна и како изгледа мојата храна една недела подоцна од истиот ресторан, тоа е одвратен изглед“, рече Хејн.
Емили Расел пред судот изјави дека била трауматизирана од инцидентот и оттогаш ја напуштила работата во Чипотле. Таа за „Вашингтон пост“ изјавила дека се вмешала за да заштити 17-годишна вработена на која Хејн му викала.