Карлос Алкараз е првиот финалист на тенискиот турнир на Олимписките игри во Париз. Шпанецот во полуфиналето убедливо го совлада Феликс Оже-Алиасим со 2:0, по сетови 6:1, 6:1.

Алкараз одигра фантастичен меч, веднаш ја презеде контролата врз играта и му препушти само две гема на противникот од Канада.

Алијасим поведе со 1:0 во првиот сет, а потоа следуваше фуриозна серија на Шпанецот, кој освои шест гема во низа.

Во продолжението продолжи во исто темпо и за само еден час и 15 минути стигна до победата и обезбеди најмалку сребрен медал за Шпанија.

Во борбата за златото Алкараз ќе игра со победникот од мечот меѓу Новак Ѓоковиќ (Србија) и Лоренцо Музети (Италија).

Музети оптимист: Бев поразен од Ѓоковиќ токму во Париз, но сега е поразлично