Актерот Ал Пачино (83) и 29-годишната Нур Алфалах раскинаа три месеци откако добија дете, пишува „Дејли Мејл“ (Dailymail).

„Д Бласт“ (The Blast) дојде до правните документи во кои Нур бара целосно старателство над нивниот син, додавајќи дека сака актерот да има право на посета.

Според медиумот, Алфалах бара во судските документи Пачино да ги плати трошоците за нејзиниот адвокат или какви било други трошоци поврзани со случајот. Конкретна сума за издршка не е наведена во судската пријава.

Поранешната двојка беше во врска две години, а првпат беа видени заедно во април минатата година. Во мај оваа година, портпаролот на актерот потврди дека Пачино и Нур го очекуваат своето прво заедничко дете.

Странските медиуми тогаш пишуваа дека Пачино бил изненаден од нејзината бременост, па Нур направила ДНК тест кој потврдил дека Ал е татко на нејзиното дете.

Нејзината последна позната врска заврши во 2017 година, со Мик Џегер, а претходно беше поврзана со Клинт Иствуд. Инаку, Ал Пачино од претходните врски ги има ќерката Џули (33) и 22-годишните близнаци Оливија и Антон.