Секоја финансиска ситуација е различна, додека некои луѓе се на работ на своите можности, други можеби трошат пари на работи што навистина не им се потребни.

Ако вашата цел е да заштедите малку повеќе од вашата плата, а не сте сигурни од каде да започнете со буџетирање, правилото 50-30-20 може да биде добар почеток. Ова правило ви овозможува редовно да штедите дел од приходите секој месец, што особено ќе ви биде корисно пред празниците.

Експертите за заштеда на пари го препорачуваат правилото 50-30-20 со цел да се задржи трошењето на несуштинските трошоци во рамките на поставениот буџет и да се промовираат заштедите. Основната идеја на правилото е да ги поделите вашите трошоци во три категории: потреби, желби и заштеди.

Секој месец, распределете 50 отсто од вашата плата за потребите, 30 проценти за желбите и 20 проценти за заштеда или отплата на долговите.

Потребите ги вклучуваат основните животни трошоци како кирија или кредит, сметки, храна и превоз до работа или училиште. Желбите се несуштински трошоци, како што се шопинг, вечера, членства во теретана, претплати, патувања и излети. Последните 20 проценти од вашите средства треба да се користат за отплата на долгови над минималниот износ или за ставање пари на штедна книшка, инвестиција или заеднички фонд.

Поделбата на парите на овој начин е безбеден метод за буџетирање. Се разбира, финансиите се многу лични, па затоа правилата за буџетирање никогаш нема да бидат универзални решенија.

За некои, 50 проценти од платата можеби не се доволни за покривање на сите основни трошоци, додека 30 проценти може да бидат повеќе отколку што обично трошат за несуштински работи, како што членства за вежбање и претплати за останати активности.

Ако е така, обидете се да ги поделите вашите пари на начин што одговара на вашите специфични трошоци. Можеби е поблиску до 60-20-20 или 70-20-10.

Во секој случај, ова е добар начин да се осигурате дека нема да трошите премногу на работи што навистина не ви се потребни, особено ако се обидувате да заштедите.