И во зима и во лето многумина се прашуваат дали е подобро да го исклучат бојлерот или да го држат постојано вклучен и како да заштедат пари, а оваа дилема ги мачи сите што сакаат да ја намалат сметката за електрична енергија.

Некој ќе ви каже дека е многу порационално да го оставите бојлерот вклучен цел ден и ноќ, бидејќи тогаш не мора да ја загрева целата вода, туку само да ја одржува топлината, а други ја поддржуваат теоријата дека најдобро е да се вклучува кога е потребно.

Апсолутно не е вистина дека е подобро за паричникот да го оставите постојано вклучен бојлерот. Се разбира, сè зависи од бројот на членовите на домаќинството. Затоа, доколку се работи за самец или за брачна двојка, порационално е да се вклучува по потреба. Од друга страна, ако се работи за семејство со голем број членови, веројатно најдобро е бојлерот постојано да биде вклучен, бидејќи на некој ќе му треба вода во секој момент.

Важна улога игра и намената на бојлерот. Ако бојлерот е наменет само за туширање, тогаш има смисла повремено да го вклучувате, а ако се работи за голем протечен бојлер што го користите и за потребите на кујната, тогаш има смисла повремено да да го вклучувате, бидејќи тогаш најверојатно многу ретко го исклучувате.

Затоа е поекономично да го вклучите кога е потребно, а секако, ако веќе водите сметка за да заштедите, тогаш вклучете го кога тарифата е поевтина, додаваат професионалните електричари.

Што се однесува до продолжувањето на животниот век на бојлерот, како што објаснуваат електричарите, не е важно дали работи постојано или не, сè додека сите делови се во ред, бидејќи „тоа не е човек на кој му треба одмор“.

Трикот кој, од друга страна, навистина функционира е да го поставите термостатот на 55-60 степени. Највисоката вредност на која го подесувате нека биде евентуално 60. Под 55-тиот степен, не се создава бигор. Од друга страна, ако термостатот постојано се поставува на 90, ќе се формира многу повеќе бигор, особено во условите овде, бидејќи нашата вода е тврда.