Тешко е да се замисли дека поминаа цели две години од смртта на фронтменот на групата „Парни ваљак“, Аки Рахимовски. Откако му се слошило, пејачот ненадејно починал на 69-годишна возраст. Зад себе остави неверојатна кариера, незаборавен глас и песни кои уживаме да ги слушаме, пишува „Стил“.

Александар Рахимовски, попознат како Аки, е познат пејач и фронтмен на групата „Парни ваљак“. По неговото раѓање во Ниш, на 5 јуни 1955 година, семејството се преселило во Скопје, каде Аки музички се едуцирал.

Пејачот зад себе остави три деца – синот Кристијан, кој го доби во првиот брак, ќерката Дина, која ја имаше во повеќедеценискиот брак со мистериозната Ингрид и ќерката Антонија, која во 2020 година ја доби со Словенката Барбара Весел.

Неговиот син Кристијан никогаш не криел дека неговиот однос со татко му бил прилично несигурен.

„Тато и јас никогаш не бевме во конфликт, имавме расправии за многу други работи. Со оглед на неговиот начин на живот, беше тешко да се изгради некој вид нормален семеен однос. Му се лутев на тато што се дава повеќе на другите отколку на своето семејство, бидејќи таму тој беше најпотребен. Како одминуваше времето, јас го прифатив таков каков што беше и почнав да градам врска во која ќе функционираме, а тоа беше преку музиката. Тој беше исклучително добар човек, го сакав многу, но за себе а најблиските – таму беше малку ‘тенок’. Се даваше колку што можеше и знаеше. Јас го прифатив тоа и го сакав без разлика на сè. Беше исклучително горд на мене“, изјавил Кристијан за локалните медиуми.

Да ​​потсетиме дека кога Кристијан имал три години, Аки ги напуштил. Веројатно, причината била разликата во ставовите на Аки и мајката на Кристијан, што довело до разводот. Низ годините, Кристијан повеќе пати зборуваше за несогласувањата со неговиот татко, но во 2022 година за „Ало изјави дека „успеале да ги надминат несогласувањата и дека дури извесен период живееле заедно“.

Кога на 65-годишна возраст ја добил ќерката со двојно помладата партнерка Барбара, сите биле изненадени. Оние кои го познаваат велат дека уживал да ја шета ќерка си во количка во парк.

Иако имаше мозочен удар во 2018 година, Аки не зборуваше за тоа. Четири години подоцна, тој почина на 22 јануари 2022 година.