Огромниот астероид, за кој накратко се стравуваше дека ќе удри во Земјата, сега има речиси четири отсто шанси да удри во Месечината, покажуваат новите податоци од вселенскиот телескоп Џејмс Веб.

Имено, постоеше 3,1 отсто веројатност астероидот со име „2024 YR4“ да удри во Земјата во февруари, што беше најголема шанса за астероид да удри во нашата планета која научниците некогаш ја измериле, се наведува на веб-страницата на Американската вселенска агенција (НАСА).

„Сè уште има 96,2 отсто шанси астероидот да ја пропушти Месечината“, се наведува во соопштението.

Како што беше посочено, според последните проценки, тој астероид има дијаметар од 53 до 67 метри, што приближно одговара на висината на зграда од 15 ката.