Смртта на принцезата Дијана, остави празнина во срцата на светската јавност. Кои биле последните зборови на принцезата која трагично го загуби својот живот во 1997 година, открива пожарникарот што прв пристигнал на местото на несреќата…

Поранешниот шеф на Скотланд Јард, Џон Стивенс за „Дејли Меил“ откри дека за време на истрагата за сообраќајната несреќа во која животот го загуби принцезата Дијана го испрашувале и денес, 72-годишниот принц Чарлс.

Имено, имало сомневања дека несреќата била испланирана, а тоа го навестувала и белешката што ја напишала Дијана во 1995 година.

„Мојот сопруг планира „сообраќајна несреќа“, дефект на сопирачките и сериозна повреда на главата“, напишала Дијана, која се посомневала дека Чарлс сакал да го направи тоа за да може да се ожени со поранешната дадилка на принцот Вилијам и принцот Хари.

Јавноста дозна за тоа обвинение дури во 2003 година, шест години по смртта на Дијана. Стивенс рече дека исто така морал да го испрашува Чарлс за време на неговата тригодишна истрага за смртта на принцезата, бидејќи доказите го воделе таму. Тој воедно истакна дека Чарлс не бил испрашуван како осомничен, туку како потенцијален сведок.

Во Мерцедесот со кој се возела Дијана таа кобна ноќ кога се случила несреќата во Париз, нејзиното момче Доди Ал Фајед и Анри Пол починаа на самото место.

И покрај итната операција, нејзината состојба брзо се влошила и Дијана починала подоцна во болницата во Париз.

Сега, скоро 24 години по трагедијата, прозборе и Ксавиер Гурмелон – пожарникар кој бил меѓу првите кој пристигнал на местото на несреќата.

Тој вели дека на почетокот не сфатил дека ѝ помага на Лејди Ди и дека му се чинело дека сè е во ред со неа…

„Направив сѐ за да ѝ чука срцето на принцезата Дијана“: По 24 години хирургот ги откри деталите од кобната ноќ

„На англиски јазик рече „О Боже, што се случи?“. Можев да го разберам тоа, па се обидов да ја смирам, ја фатив за рака“, раскажа Гурмелон, откривајќи ги последните зборови на најсаканата принцеза во светот.

Откако ја извадил од автомобилот, Дијана со брза помош веднаш била пренесена во болница, каде набргу ја изгубила битката, подлегнувајќи на тешките повреди.

„Не попушта“: Принцот Чарлс нема намера да се сретне со Хари кога ќе пристигне во Лондон

Истрагата на Скотланд Јард открила дека несреќата била предизвикана од невнимателно возење, а патниците настрадале поради фактот што не носеле појаси.

Значи, принцот Чарлс официјално беше „ослободен“ од сите сомнежи, но тоа не ги спречи луѓето да продолжат да веруваат до ден денес дека зад смртта на сакната Дијана, стои британското кралско семејство.