Денеска во првиот натпревар од седмото коло во Првата македонска фудбалска лига на стадионот во Велес ремизираа екипите на Борец и Работнички со конечен резултат 1:1 (1:1).

Во 13 минута од средбата „романтичарите“ дојдоа во позитива со погодокот на колумбискиот интернационалец Кордоба..

Само 10 минути подоцна велешани израмнија благодарение на Ѓорѓиев за прво реми сезонава во шампионатот и за двете екипи.

На табелата Работнички е на осмата позиција со седум бодови, а на дното останува Борец со пет.

Останатите четири средби од лигашката рунда ќе се играат в недела од 15.00 часот: Македонија ЃП-Ренова, Академија Пандев-Шкупи, Шкендија-Струга Трим Лум и Вардар-Силекс.