Tизерот за новиот филм на продукциската куќа „Marvel“ насловен „Black Panther: Wakanda Forever“ собра 172 милиони прегледи во првите 24 часа, со што стана едно од најдобрите дебија за филм за суперхерои.

Гледаноста на тизерот речиси ги удвои 88-те милиони прегледи што оригиналниот тизер за првиот дел на „Black Panther“ ги собра во 2017 година.

Собрајќи 172 милиони прегледи во првите 24 часа, „Black Panther: Wakanda Forever“ стана еден од најгледаните тизери за самостоен филм на „Marvel“ по насловите како „Spider-Man: No Way Home“ (355,5 милиони прегледи) и „Thor: Love and Tunder“ (209 милиони прегледи).

Треба да се напомене дека за разлика од многу филмови на „Marvel“, тизерот за „Black Panther: Wakanda Forever“ беше промовиран во саботата вечерта околу 21 часот.

Во продолжението на хит-филмот од 2018 година со кој се прослави покојниот актер Чедвик Боузман, сега ќе глумат Тенох Уерта, Лупита Нионго, Летиција Рајт, Данаи Гурира, Винстон Дјук, Флоренс Касумба, Анџела Басет, Михаела Коел, Доминик Торн, Мартин Фримен и други.

Режисер на филмот повторно е Рајан Куглер. Премиерата на новиот филм е закажана за 22 ноември годинава.